Երեւանի առաջին ատյանի ընդհանուր իրավասության Շենգավիթ դատարանի դատավոր Մարինե Մելքոնյանը բավարարեց Սիսիանի քաղաքապետ Արթուր Սարգսյանի կալանավորման միջնորդությունը:
Փաստաբան Էմին Խաչատրյանը նիստից հետո լրագրողներին ասաց. «Կալանավորման միջնորդությունը առանց մեզ որեւէ պատճառաբանություն ներկայացնելու բավարարվեց կլասիկ սխեմայով: Մենք ներկայացրել էինք ձերբակալման իրավաչափության բողոք, վարույթ իրականացնող մարմինը՝ կալանավորման վերաբերյալ միջնորդություն: Հիմքերը հենց նոր եմ ստացել ու դեռ չեմ ծանոթացել, բայց առանց ծանոթանալու էլ հասկանում եմ, որ ապօրինի որոշում է կայացված, որովհետեւ մենք շատ ծանրակշիռ փաստական հանգամանքներ էինք ներկայացրել, որով բացառվում էր մեր պաշտպանյալի կալանավորումը: Միանշանակ այս որոշումը բողոքարկելու ենք վերաքննիչ դատարանում»:
Աշոտ ՀԱԿՈԲՅԱՆ
