«Ինտեգրացիա և զարգացում» հասարակական կազմակերպության եւ Եվրասիական փորձագիտական ակումբի կազմակերպած «Հետընտրական Հայաստան. իրողություններ և ակնկալիք». ուղեղային գրոհի համար, համաժողովի ժամանակ Եվրասիական փորձագիտական ակումբի անդամ, տնտեսագիտական հետազոտությունների կենտրոնի ղեկավար, տնտեսագիտության դոկտոր Աշոտ Թավադյանը հայտարարեց, որ Հայաստանում արվող ներդրումների ծավալն ավելացնելու համար ակնհայտորեն բավարար չեն «Ներդրումներ արեք, խնդրում եմ» կարգի կոչերը, պետք է լուծել առկա խնդիրները՝ արժեթղթերի շուկայի փաստացի բացակայություն, հարկային քաղաքականություն, դրամավարկային քաղաքականություն, կոռուպցիա, էներգառեսուրսների գին, անվտանգություն՝ այդ թվում՝ տնտեսական անվտանգություն եւ այլն:
Ըստ Թավադյանի, Հայաստանի տնտեսության զարգացման համար պետք է օգտագործել ԵԱՏՄ շուկայի հնարավորությունները: Օրինակ՝ տնտեսության մոդերնիզացիա, համատեղ ձեռնարկությունների ստեղծում, գիտական հետազոտությունների միջպետական հիմնադրամի ձեւավորում, Ռուսաստանից Վրաստանի տարածքով դեպի Հայաստան ձգվող երկաթգծի խնդրի կարգավորում եւ այլն:
Նելլի ԳՐԻԳՈՐՅԱՆ
