Հայաստանի առաջատար կին շախմատիստ Էլինա Դանիելյանը Սոչիում անցկացվող ՖԻԴԵ-ի աշխարհի գավաթի խաղարկության 1/32 եզրափակչում 2:0 հաշվով պայքարից դուրս թողեց ռումինուհի փորձառու շախմատիստ Իրինա Բուլմագային եւ հաջորդ փուլում կհանդիպի Ղազախստանի ներկայացուցիչ Դինարա Սադուակասովայի հետ:
Հայկ Մարտիրոսյան
Տղամարդկանց պայքարում Հայկ Մարտիրոսյանը 1/64 եզրափակչում 1,5:0,5 հաշվով հաղթեց թուրք Մուստաֆա Յըլմազին ու 1/32-ում կխաղա Բրազիլիայի դրոշի ներքո հանդես եկող մեր հայրենակից Կրիկոր Սեւագ Մխիթարյան-Շախրիյար Մամեդյարով (Ադրբեջան) զույգի հաղթողի հետ:
Շանթ Սարգսյանը դեռ պետք է ադրբեջանցի Նիջաթ Աբասովի հետ խաղա թայ բրեքում, իսկ Գաբրիել Սարգսյանը եւ Հովհաննես Գաբուզյանը, ցավոք, լքեցին պայքարը:
Աշոտ ՀԱԿՈԲՅԱՆ
