Օրեր առաջ տարածված լուրերի համաձայն՝ աշխատանքից ազատվել էր Լոռու մարզի Լորուտ համայնքի դպրոցի տնօրեն Դավիթ Սարգսյանը: Ազատման պատճառն էլ եղել է այն, որ Սարգսյանը չի սատարել Նիկոլ Փաշինյանին, բացի այդ դպրոցում զբաղվել է քաղաքական քարոզչությամբ:
Փորձեցինք կապ հաստատել Դավիթ Սարգսյանի հետ: Մեզ հետ հեռախոսազրույցում արդեն դպրոցի նախկին տնօրենն ասաց, որ ինքը զբաղված է եւ հրաժարվում է խոսել. «Ես ոչ մի թեմայով հարցազրույց չեմ ուզում տալ, հա գրեք, որ հրաժարվում է»:
Ոստիկանությունը պարզել է, որ Սարգսյանը աշխատանքի վայրում քարոզչությամբ չի զբաղվել, դա հերքել են նաեւ դպրոցի ուսուցիչները:
ՀՀ դատախազության հանրային կապերի բաժնի պետ Արեւիկ Խաչատրյանը Aravot.am-ի հետ զրույցում տեղեկացրեց, որ գործի վերաբերյալ նախապատրաստվել են նյութեր, սակայն քրեական գործ հարուցելու հիմքեր ի հայտ չեն եկել:
Կարդացեք նաև
Այս պահին Դավիթ Սարգսյանը շարունակում է աշխատել դպրոցում, զբաղեցնելով ոչ թե տնօրենի, այլ դպրոցի հաշվապահի հաստիքը:
Տաթեւիկ ՂԱԶԱՐՅԱՆ
