Վրաստանի հասարակական և քաղաքական կյանքում հայկական համայնքի ներկայացուցիչների մասնակցության աստիճանը շարունակում է ցածր մնալ, ինչը հնարավորություն չի տալիս նրանց լիարժեք ինտեգրվել վրացական հանրության մեջ: Այս մասին ասվում է Ռուսաստանի ԱԳՆ կայքում հրապարակված «Որոշ երկրներում մարդու իրավունքների հետ կապված իրավիճակի մասին» զեկույցում:
Զեկույցում նշվում է, որ հայերի ու ադրբեջանցիների լայն մասնակցայնության համար խոչընդոտ է Վրաստանի սահմանադրության 23.3 հոդվածը, որով արգելվում է կուսակցություններ բացել տարածքային սկզբունքով: Եվրախորհրդի Վենետիկյան հանձնաժողովը բազմիցս բացասական եզրակացություն է տվել սահմանադրական այդ նորմի վերաբերյալ:
«Օրինակ, հայկական համայնքն արդեն երկար ժամանակ բարձրացնում է Սամցխե-Ջավախեթիի ինքնավարության հարցը, իսկ Քվեմո-Քարթիի ադրբեջանցիները հանդես են գալիս տեղական ինքնակառավարման մարմիններում, որտեղ հիմնական պաշտոնները զբաղեցնում են վրացիներ, լայն ներկայացվածություն ունենալու օգտին: Այս կոչերը աջակցություն չեն գտնում Վրաստանի ղեկավարության կողմից, որը դրանք գնահատում է որպես անջատողական տրամադրություններ»,- ասվում է զեկույցում:
Բացի այդ, զեկույցում նշվում է, որ Վրաստանի լրատվամիջոցներում հաճախակի են դարձել Հայ առաքելական եկեղեցու վրա հարձակումները: 2011.թ. ընդունված Վրաստանում կրոնական դոմինացիաների ազատ գրանցման մասին օրենքի ընդունումից հետո բազմիցս արձանագրվել են վանդալիզմի դեպքեր հայկական եկեղեցիների նկատմամբ:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
