«2017, 2018, 2021թթ․-ի ԿԸՀ համանման որոշումների իրավական դիրքորոշումների համեմատություն եմ իրականացրել։ Մոտավոր 4-5 էջ ուղղակի նույն իրավական դիրքորոշումներն են։ Տպավորություն ունեմ, որ ուղղակի կտրած-կպցրած են այս որոշման մեջ։ Ուզում եմ հասկանալ՝ այս տարիներին ձեր մոտ իրավական դիրքորոշումները չեն զարգացե՞լ, որ դրել copy paste եք արել»,-ՍԴ նիստում այսօր պատասխանող կողմ հանդիսացող ԿԸՀ նախագահ Տիգրան Մուկուչյանին ասաց ՍԴ դատավորներից Արեւիկ Պետրոսյանը՝ նկատի ունենալով հունիսի արտահերթ ընտրությունների արդյունքների վերաբերյալ ԿԸՀ-ի դիրքորոշման մեջ կրկնվող հատվածները։
Տիգրան Մուկուչյանն այսպես բացատրեց․ «Ժամկետային սահմանափակումներ կան, սեղմ են, դրանցում պետք է տեղավորվեինք։ Ինչ վերաբերում է մոտեցումներին, ձեր նշած տարիներին նույն օրենսդրությունն է գործել, արմատական փոփոխություններ չկան։ ԿԸՀ-ի մոտեցումները նույնական են։ Այո, օգտվել ենք նախորդներից, որովհետեւ դա պայմանավորված էր սեղմ ժամկետներով»։
Հիշեցնենք, որ ՍԴ-ն այսօր միասնական վարույթում շարունակում է քննել ընդդիմադիր քաղաքական ուժերի՝ «Հայաստան» եւ «Պատիվ ունեմ» դաշինքների, «Զարթոնք» եւ «Հայոց հայրենիք» կուսակցությունների՝ հունիսի քսանի ընտրությունների արդյունքները վիճարկող դիմումները:
Կարդացեք նաև
Լուիզա ՍՈՒՔԻԱՍՅԱՆ
