Հրապարակվել է Մարդկանց թրաֆիքինգի վերաբերյալ ԱՄՆ պետքարտուղարության 2021թ․ ամենամյա զեկույցը, ըստ որի Հայաստանը բարելավել է դիրքը՝ մարդկանց թրաֆիքինգի դեմ պայքարում ձեռնարկած միջոցառումների արդյունավետությամբ պայմանավորված:
Զեկույցում ներկայացված են նաև առաջարկներ առաջնահերթ անելիքների վերաբերյալ՝ ավելացնել զոհերի վերաինտեգրման ծառայություններին ուղղվող միջոցները, քննիչների և դատախազների համար ապահովել խորացված ուսուցում թրաֆիքինգի գործերի քննության ու քրեական հետապնդման հարցերի շուրջ, այդ թվում՝ ապացույցների ձեռք բերման և հարցաքննության զոհակենտրոն եղանակների մասին, ավելացնել զոհերի նույնացման նախաձեռնողական ջանքերը, սահմանել արտերկրում գտնվող զոհերին հայրենադարձելու պաշտոնական ընթացակարգ և այլն:
Զեկույցում նշվում է նաև, որ կառավարությունը զոհերի պաշտպանության նպատակով 2020 թ.-ին հատկացրել է 40.2 միլիոն ՀՀ դրամ կամ 78.060 ԱՄՆ դոլար, որը ավելացում է 2019թ․-ի 19 միլիոն դրամի կամ 36.890 ԱՄՆ դոլարի համեմատ:
Կառավարությունը և տեղական ՀԿ-ները համատեղ զոհերին ապահովել են իրավական, սոցիալ-հոգեբանական աջակցություն և բուժօգնություն, կացարան, միանվագ դրամական փոխհատուցում 250.000 ՀՀ դրամի կամ 490 ԱՄՆ դոլարի չափով և ներգրավել են նրանց տարբեր սոցիալական, կրթական և զբաղվածության ծրագրերում:
Կարդացեք նաև
Մարդկանց թրաֆիքինգի վերաբերյալ ԱՄՆ պետքարտուղարության 2021թ․ ամենամյա զեկույցը կարդացեք այստեղ:
