«Բացահայտ է, որ իշխանությունը վարչական լծակներով իրականացրել է զանգվածային ընտրախախտումներ, որոնք այսօր էլ շարունակվում են։ Այս անգամ ՍԴ-ն առաջին անգամ դիմումը քննելու է այն տրամաբանությամբ, որ մեղադրանքները հնչել են մեր կողմից, իսկ ապացուցման պարտավորությունը ԿԸՀ-ի եւ հարակից պատասխանողների վրա է»,-ՀՀ սահմանադրական դատարանի առաջ այսօր լրագրողների հետ ճեպազրույցում ասաց ԱԺ նախկին պատգամավոր, ՀՅԴ ԳՄ անդամ, «Հայաստան» դաշինքի ներկայացուցիչ Արծվիկ Մինասյանը։
Հիշեցնենք, որ ՍԴ-ն այսօր միասնական վարույթում քննարկում է ընդդիմադիր քաղաքական ուժերի՝ «Հայաստան» եւ «Պատիվ ունեմ» դաշինքների, «Զարթոնք» եւ «Հայոց հայրենիք» կուսակցությունների՝ հունիսի քսանի ընտրությունների արդյունքները վիճարկող դիմումները։
Արծվիկ Մինասյանը շեշտեց, որ սահմանադրական արդարադատության միակ օրինական կառույցը ՍԴ-ն է․ «Հուսանք՝ կլինի սահմանադրական արդարադատություն։ ՍԴ-ում պետք է հնչեն պատասխանները, թե, օրինակ, Նիկոլ Փաշինյանն իրավունք ունե՞ր պետական ընտրակաշառք իրականացնելու։ Սա կարեւոր է առաջիկա զարգացումների տեսանկյունից։ Հուսանք՝ ՍԴ-ն իրավունքի հիման վրա որոշում կկայացնի, ոչ թե արջի ծառայություն կմատուցի»։
Կարդացեք նաև
Լուիզա ՍՈՒՔԻԱՍՅԱՆ
