«Դե երկիրը որ իշխանություն չունի, ով ոնց ուզում՝ վարվում է: Ո՞վ է բանի տեղ դնում սրանց»,- ՀԱՊԿ գլխավոր քարտուղարի հայտարարությունն Aravot.am-ի հետ զրույցում այսպես մեկնաբանեց ՀՅԴ ԳՄ ներկայացուցիչ Իշխան Սաղաթելյանը:
Հիշեցնենք, որ ՀԱՊԿ գլխավոր քարտուղարը հայտարարել էր, թե Հայաստանի հարավում սահմանային իրավիճակի սրումը ՀԱՊԿ կանոնադրության դրույթներով չի անցնում: Ըստ նրա՝ կառույցի ներուժը գործադրվում է միայն ագրեսիայի, հարձակման դեպքում, մինչդեռ այս պարագայում սահմանային միջադեպ է, զոհեր էլ չկան:
Դիտարկմանը, որ ՀԱՊԿ անդամակցությանը դուք էիք կողմ, դուք եք մեզ տարել այդ անվտանգության գոտի՝ Սաղաթելյանը պատասխանեց. «Հա, բայց իրենք էլ ՀԱՊԿ-ի գլխավոր քարտուղարին բռնեցին ձերբակալեցին իրենց անձնական …ու այսպես հազար ու մի խնդիր կա: Երկիրդ չունի իշխանություն, ո՞վ կարող է սպասարկել քո երկրի շահերը: Դրսում այդ իշխանության հետ վարվում են այդպես»:
Կարդացեք նաև
ՊՆ-ն չերկարացրեց նաեւ 3-րդ բանակային կորպուսի հրամանատար գեներալ-մայոր Գրիգորի Խաչատուրովի հետ պայմանագիրը: Հարցին՝ սա քաղաքական հաշվեհարդա՞ր է, վրեժխնդրությո՞ւն է, թե՞ այլ բան՝ Իշխան Սաղաթելյանը պատասխանեց. «Պարզ ասում են՝ իրենց Խաչատուրովի պես կորպուսի հրամանատար, ով պահել էր Տավուշը, պետք չի: Եթե վաղը փորձ արեցին Տավուշի անկլավները հանձնելու, դա ուղիղ կապ ունի Խաչատուրովի ազատման հետ: Վերջը այդ ճանապարհով էլ փորձելու են գնալ»:
Հռիփսիմե ՋԵԲԵՋՅԱՆ
