168.am–ի հետ զրույցում Արցախի Հանրապետության արտաքին գործերի նախարար Դավիթ Բաբայանն անդրադառնալով անջատում՝ հանուն փրկության բանաձևին, նկատեց՝ 1988 թվականից ի վեր հայկական կողմի մոտեցումները միայն մեկ անգամ են փոփոխության ենթարկվել, երբ սկզբում միացում էր Հայաստանի հետ, հետո՝ տեսնելով, որ աշխարհաքաղաքականությունը, միջազգային իրավունքն այդ ճանապարհն ավելի է դժվարացնում, որդեգրվել է մեկ այլ ռազմավարություն։
«Որդեգրվել է Արցախի Հանրապետության անկախության մոտեցումը։ Այս երկու մոդելն էլ ունեն մեկ ընդհանրություն, և այդ ընդհանրությունը մնացել է անփոփոխ, կարելի է ասել՝ 1921 թվականից ի վեր, երբ Արցախը մասնատվեց և բռնակցվեց Ադրբեջանին՝ որպես ինքնավար մարզ։ Այդ ընդհանուր գաղափարը մեկն է՝ մենք չենք լինելու Ադրբեջանի կազմում, ցանկացած փորձ՝ դա իրականացնելու, բերելու է պարզապես Արցախի կործանման։ Եթե նման բան լինի, ժողովուրդը դուրս կգա Արցախից, չի մնա, հազար ու մի խնդիր կա, երկար ժամանակ է անցել, և դա անհնարին է, մենք Ադրբեջանի կազմում չենք լինելու երբեք»,- ասաց Դավիթ Բաբայանը։
Զվարթ ԽԱՉԱՏՐՅԱՆ
Հոդվածն ամբողջությամբ՝ «168 ժամ» թերթի այսօրվա համարում։
