Հարցին՝ եթե գնաք խորհրդարան, ստանձնելո՞ւ եք խորհրդարանական պաշտոնները, թե՞ ոչ՝ այսօր հրավիրած ասուլիսում ՀՅԴ ԳՄ ներկայացուցիչ Իշխան Սաղաթելյանը պատասխանեց, որ ՍԴ եզրակացությունից հետո պարզ կլինի, հիմա դեռ վաղ է խոսել:
Լրագրողները հարցրեցին՝ ձեր խմբակցության եւ «Պատիվ ունեմի» մանդատները բավարար չեն ընտրելու ընդդիմադիր ԱԺ փոխխոսնակ ու ընդդիմությանը ընտրելու է ձեր ձեւակերպմամբ «ազգադավ, թուրքի առջեւ չոքած» իշխանությունը, ձեզ համար ընդունելի՞ է, որ ձեզ ընտրեն այդ իշխանությունները՝ Իշխան Սաղաթելյանը պատասխանեց. «Դա սահմանադրական փոփոխություններով ամրագրված պահանջ է, օրենքի պահանջ է, որ ընդդիմությունը պետք է ունենա փոխխոսնակ ու այդ հնարավորությունը եւս օգտագործի՝ ընդդիմության օրակարգը առաջ տանելու համար: Դա մենք չենք դիտարկելու ինչ-որ մեկին պաշտոնի բերելու փորձ, այլ՝ եւս մեկ հնարավորություն՝ մեր պայքարին ուժ տալու համար»:
Նա վստահեցրեց, որ իրենց որեւէ համագործակցության, կուլիսային պայմանավորվածության այս խորհրդարանի իշխող մեծամասնության հետ չեն գնալու, դա բացառվում է. «Երբ որ մենք իրենց ընտրենք, այն ժամանակ կարող եք ասել՝ ինչի՞ ընտրեցիք, այս իշխանությանը համարում եք ազգադավ: Մենք իրենց չենք ընտրելու: Մեր համար անընդունելու է իրենց ընտրելը ու չենք ընտրելու: Իմիջիայլոց, դա իրենց կողմից բարի կամքի դրսեւորում չէ, օրենքի պահանջ է»:
Կարդացեք նաև
Հռիփսիմե ՋԵԲԵՋՅԱՆ
