Ամերիկացի ռազմական լրագրող, մոտիվացիոն բանախոս Չաք Հոլթընի (Chuck Holton) ֆեյսբուքյան գրառումը
Առաջին անգամ Հայաստան ինձ տարավ պատերազմը անցյալ սեպտեմբերին, և ես սիրահարվեցի երկրին, մարդկանց, ուտելիքին:
Այնուհետև մենք երկու անգամ վերադարձանք, և իմ երկրպագումն այդ երկրի հանդեպ միմիայն ուժեղացավ: Միջնեկ որդիս՝ Նաթանը, մեզ հետ էր վերջին ճանապարհորդության ընթացքում և այնքան սիրեց Հայաստանը, որ որոշեց մնալ և ավելի լավ ճանաչել երկիրն ու ժողովրդին:
Եվ նա հաջողեց:
Մի քանի օր առաջ, խելահեղ սիրավեպի արդյունքում, որդիս ամուսնության առաջարկ է արել հիասքանչ Ռուբինա Հովհաննիսյանին:
Կարդացեք նաև
Ավելի երջանիկ չէի կարող լինել:
Այժմ մեր ընտանիքն ընդմիշտ կմիանա Հայաստանին:
Պիտի պատրաստվեմ հայկական հարսանիքի: Մենք սիրում ենք քեզ, Ռուբինա ջան: Շնորհավորում եմ, Նաթան, հաղթանակի համար: (Եվ որպես բոնուս, Ռուբինան կկրճատի իր ազգանունը մոտ 12 հնչյունով):
Հիշեցնենք՝ Չաք Հոլթընն աշխարհին կպատմի արցախյան պատերազմի մասին իր 3 մասանոց ֆիլմով: «Ես ոչ թե Ադրբեջանում էի, այլ Արցախում, որովհետև ուզում էի արդարությունը ներկայացնել»,- նշել է լրագրողը:
Պատրաստեց Աիդա Մարտիրոսյանը:
