ՊՆ-ն որոշել է չերկարացնել 3-րդ բանակային կորպուսի հրամանատար գեներալ-մայոր Գրիգորի Խաչատուրովի հետ պայմանագիրը։ Սա՝ այն պարագայում, որ մենք պատերազմում սոսկալի կորուստներ ենք ունեցել՝ փորձառու հրամանատարներ են զոհվել, եւ կադրային զինվորականների պակասն այսօր առավել քան զգալի է։ Մանավանդ՝ բանակը վերականգնելու, նորից հզորացնելու հարցն օրախնդիր է, եւ ամեն մի փորձված զինվորական, պարզ ասած, քաշով մեկ ոսկի պետք է արժենար։
ՀՀ ԶՈւ գլխավոր շտաբի նախկին պետ եւ նախկին ռազմական տեսուչ Մովսես Հակոբյանը մեր հարցին, թե ինչ կարող է ասել գեներալ Գրիգորի Խաչատուրովի մասին, ինչպիսի զինվորական է նա, կարճ ասաց․ «Համարձակ հրամանատար էր»։
– Խաչատուրովի հեռացումը մե՞ծ հարված կլինի մեր բանակի համար։
– Այո, բանակին, իհարկե, վնաս կտա։
Կարդացեք նաև
– Իսկ փոխարինողներ կգտնվե՞ն, ի՞նչ եք կարծում՝ Խաչատուրովի նման գեներալներ շա՞տ կան մեր բանակում։
– Փոխարինող կլինի, բայց կարծում եմ՝ Խաչատուրովը մնում է Խաչատուրով։ Խաչատուրով չի լինելու փոխարինողը։
– Նրա սխրանքների մասին շատերն են խոսում, Դուք որեւէ բան կարո՞ղ եք հիշել՝ աշխատել եք նրա հետ։
– Իմ հրամանատարության ժամանակ չի եղել, որեւէ բան չեմ կարող ասել, բայց իմ ղեկավարության ժամանակ ինքն առանձնացել է որպես համարձակ հրամանատար։
Վահե ՄԱԿԱՐՅԱՆ
Հոդվածն ամբողջությամբ՝ «Հրապարակ» թերթի այսօրվա համարում:
