«Ժողովրդավարական համախմբում» կուսակցության հայտարարությունը Սահմանադրության օրվա վերաբերյալ
Սիրելի հայրենակիցներ,
Հայաստանի Հանրապետությունն այսօր նշում է Սահմանադրության օրը։ Սահմանադրությունը հզոր պետության, անկախ հայրենիքի, առողջ և կենսունակ հասարակության իրավական հենքն է, որի երաշխավորմանը պետք է ուղղված լինեն յուրաքանչյուրիս ջանքերը։
Ցավոք, անկախացումից ի վեր Հայաստանի Հանրապետությունն այսօր ապրում է իր ծանրագույն ժամանակաշրջանը՝ Արցախի մեծ մասի օկուպացում, ՀՀ ինքնիշխանության նվազագույն մակարդակ, սահմանադրականության երաշխավորման անկարողություն, անվտանգային համակարգի բացակայություն, խախտված տարածքային ամբողջականություն, բևեռացված հասարակություն, ապագայի տեսլականի բացակայություն, ինքնության ճգնաժամ և արտաքին թշնամու կերպարին փոխարինած ներքին թշնամու կերպարի ամրապնդում։ Սակայն շատ կարևոր է, որ յուրաքանչյուրիս գործունեությունը չսահմանափակվի միայն իրականության ցավալի «ախտորոշմամբ», այլ ուղղված լինի ռազմավարական ապագային, որի հիմքում ընկած կլինեն ազգային պետության ձևավորումը, Արցախի օկուպացված տարածքների վերադարձը, հոգևոր անվտանգությունը և սահմանադրականության երաշխավորումը։
Կարդացեք նաև
Շնորհավոր Սահմանադրության օրը։
«Ժողովրդավարական համախմբում» կուսակցության խորհուրդ
