Հուլիսի 2-ին ավարտվել է 14 հայ ռազմագերիների դատավարությունը, որոնք մեղադրվում էին ահաբեկչության, դիվերսիայի և այլ ծանր հանցագործությունների մեջ:
Իր ելույթում դատախազը անսպասելիորեն հանել է նրանց վրայից բոլոր մեղադրանքները և թողել միայն ապօրինի կերպով սահման հատելու մեղադրանքը:
Ընդ որում, դատախազը խնդրել է նրանցից 2-ին՝ Հրաչ Ավագյանին և Գեղամ Սերոբյանին դատապարտել 5, իսկ մյուսներին երկու տարվա ազատազրկման: Դատախազը չի բացատրել, թե ինչու է հանում ահաբեկչության և այլ ծանր հանցագործությունների մեղադրանքները, չնայած որ մինչ այդ դրանք անվանում էր միանգամայն հիմնավորված:
Խորհրդակցությունից հետո դատարանը նշված երկու ռազմագերիներին դատապարտել է 4, իսկ մյուսներին 6 ամսվա ազատազրկման:
Կարդացեք նաև
Դատական նիստին լրագրողների մուտքն արգելված է եղել: Գործակալությունը ենթադրում է, որ հաշվի առնելով, որ արդեն 6 ամիս հայ գերիների գտնվում են կալանքի տակ, պետք է որ նրանց ազատ արձակեին հենց դատարանի դահլիճից:
Պատրաստեց՝ Վիկտորյա ԱՆԴՐԵԱՍՅԱՆԸ
