Այսօր ԱԺ արտահերթ նիստում քննարկման ներկայացրեց «Իմ քայլը» խմբակցության պատգամավորներ Գեւորգ Պապոյանի եւ Արտակ Մանուկյանի՝ «ՀՀ պաշպանության ժամանակ զինծառայողների կյանքին կամ առողջությանը հասցված վնասների հատուցման մասին» օրենքում փոփոխությունների նախագիծը:
«Գործող կարգավորմամբ 18 հազար դրամ են վճարում մինչեւ 1,2 մլն հաշվարկային բազայի դեպքում, մենք այս սահմանաչափը կրկնակի ավելացրել ենք: Այսինքն, նրանք կվճարեն 18 հազար դրամ 2,4 մլն-ի դեպքում: Բացի այդ, գործող կարգավորմամբ 1,2-2,4 մլն-ի դեպքում վճարվում է 36 հազար դրամ: Մենք առաջարկում ենք 1,2-2,4 մլն-ը դարձնել 2,4-6 մլն ու վճարն էլ իջեցնել դարձնելով 24 հազար»,- ասաց Պապոյանը: Այսպես, ըստ հեղինակների, նախագծով նոտարներին ու տասնյակ հազարավոր գործարարներին հնարավորություն կտան, որ ավելի քիչ դրոշմանշային վճար վճարեն:
Իմքայլական Հովիկ Աղազարյանը հարցրեց. «Երբ որ այդ օրենքը քննարկում էինք, դուք ասացիք, որ այստեղ սոցիալական անարդարության էլեմենտ կա այն իմաստով, որ միջին, համեմատաբար քիչ եկամուտ ունեցող քաղաքացիները ավելի են վճարում, քան մյուսները, հիմա դուք առաջարկում եք մեծ եկամուտ ունեցող քաղաքացիներին ավելի փոքր տոկոսով անել ու վիհը ավելի մեծացնել: Անընդունելի է այս մոտեցումը»: Գեւորգ Պապոյանն ասաց, որ եթե գրանցված աշխատողների թիվը մեծանա, կքննարկեն նաեւ վարձու աշխատողների հատվածում վճարները փոքրացնելու հարցը: Իսկ հիմա նախընտրելի է ինչ-որ թի ֆիքսել, ոչ թե տոկոսային հարաբերությամբ սահմանել:
Սարգիս Խանդանյանը հարցրեց՝ հիմնադրամի մուտքերը չի՞ նվազելու այս նախագծի արդյունքում Պապոյանը պատասխանեց, որ իհարկե, նվազում է, բայց, քանի որ վարձու աշխատողների թիվը աննախադեպ աճել է, շատ ավելի մեծ գումար է գեներացվելու:
Կարդացեք նաև
Հռիփսիմե ՋԵԲԵՋՅԱՆ
