Ռուսաստանի արտգործնախարար Սերգեյ Լավրովը հանդիպել է ՄԱԿ-ի փախստականների հարցերով գերագույն հանձնակատար Ֆիլիպո Գրանդիի հետ՝ քննարկելով ԼՂ փախստականների վերադարձի հարցը:
«Զրույցի ընթացքում հանգամանալից մտքերի փոխանակում է կատարվել աշխարհում փախստականների, ներքին տեղահանվածների և քաղաքացիություն չունեցող անձանց խնդրի վերաբերյալ, այդ թվում հաշվի առնելով համավարակով պայմանավորված իրավիճակը,- ասվում է Ռուսաստանի ԱԳՆ հաղորդագրության մեջ:- Քննարկվել փախստականների և հարկադիր տեղահանված անձանց՝ Լեռնային Ղարաբաղ և հարակից շրջաններ վերադառնալու հարցը՝ համաձայն Ռուսաստանի, Ադրբեջանի և Հայաստանի առաջնորդների՝ 2020թ. նոյեմբերի 9-ի հայտարարության»:
Պատրաստեց Վիկտորյա ԱՆԴՐԵԱՍՅԱՆԸ
