Բելառուսի ԱԳՆ-ն հայտարարել է, որ պատասխան պատժամիջոցներ է սահմանում Եվրոպական միության դեմ՝ դադարեցնելով իր անդամակցությունն Արևելյան գործընկերությանը: Այդ կապակցությամբ Բելառուսի ԱԳՆ է հրավիրվել երկրում ԵՄ պատվիրակության ղեկավար Դիրք Շուբելը:
Բելառուսի ԱԳՆ տարածած հաղորդագրության մեջ նշվում է, որ երկիրը դադարեցնում է անդամակցությունը Արևելյան գործընկերությանը և անցում կատարում ԵՄ-ի հետ Ռեադմիսիայի մասին համաձայնագրի «սառեցմանը»:
Նշվում է, որ պատժամիջոցների պայմաններում Բելառուսը չի կարող լիարժեք կատարել իր պարտավորությունները: «Խորը ափսոսանքով փաստում ենք, որ Համաձայնագրի հարկադիր դադարեցման գործողությունը բացասաբար կանդրադառնա Եվրամիության հետ փոխհարաբերությունների վրա՝ անօրինական միգրացիայի և կազմակերպված հանցավորության դեմ պայքարի ոլորտում»,- ասվում է հաղորդագրության մեջ:
Ի պատասխան Մինսկի այդ քայլի՝ ԵՄ խորհրդի ղեկավար Շարլ Միշելն ասել է, որ դա կհանգեցնի լարվածության հետագա խորացմանը:
Կարդացեք նաև
«Այսօր Բելառուսը հետքայլ կատարեց՝ դադարեցնելով իր անդամակցությունն Արևելյան գործընկերությանը: Դա կհանգեցնի լարվածության հետագա սրմանը ակնհայտորեն բացասական ազդեցություն կունենա Բելառուսի ժողովրդի վրա»,- գրել է Միշելը Twitter-իր իր էջում:
Պատրաստեց՝ Վիկտորյա ԱՆԴՐԵԱՍՅԱՆԸ
