Շիրակի մարզպետարանի առողջապահության և սոցիալական ապահովության վարչության պետ Լեյլի Ասլանյանն Aravot.am-ին տեղեկացրեց, որ առաջնային օղակի հսկողության տակ կան կորոնավիրուսով վարակված 81 հիվանդներ․ եթե հունիսի 1-ին եղել է 98 հիվանդ, թիվն աստիճանաբար նվազել է։
«Ստացիոնար բուժում Գյումրիում այլևս չենք իրականացնում, ամբուլատոր բուժվողների թվի նվազման տենդենց կա, իսկ կարիք ունեցողներին, բնականաբար, ուղեգրում ենք մայրաքաղաք, որոնց թիվը մեծ չէ։
Այս պահին վիճակի կայուն է, կառավարելի և նվազման միտումով»,-ասաց Լեյլի Ասլանյանը։
Ըստ Լեյլի Ասլանյանի, վաղուց կորոնավիրուսային օջախներ գոյություն չունեն։
Կարդացեք նաև
Այս տարի մահվան դեպքերը՝ ներառյալ մայիս ամիսը, եղել են 108, այդ ժամանակահատվածում հաստատվել է 3126 դրական դեպք, որից 108-ը մահացել են։
Շիրակի մարզը պատվաստումների առումով առաջատարն է․ 5955 անձ պատվաստվել է։
Վերջերս կորոնավիրուսից մահացել են նաև մարզի պանրի գործարաններից մեկի սեփականատիրոջ ընտանիքի երկու անդամներ՝ մայրն ու երիտասարդ որդին։
Լեյլի Ասլանյանը խոսեց նաև այս դեպքի մասին՝ նշելով, որ ծնողներն էին վիրուսով ծանր հիվանդացել, սկզբում մահացել է մայրը, այնուհետ՝ որդին։
Նունե ԱՐԵՎՇԱՏՅԱՆ
