«Քաղաքացիական պայմանագիր» կուսակցությունը հունիսին դատի էր տվել ՀՀ կենտրոնական ընտրական հանձնաժողովին՝ պահանջելով անվավեր ճանաչել ՀՀ կենտրոնական ընտրական հանձնաժողովի 19.06.2021թ․-ի 160-Ա որոշումը, որով ԿԸՀ-ն բավարարել էր «Պատիվ ունեմ» դաշինքի դիմումը եւ նախազգուշացում կիրառել ՀՀ վարչապետի պաշտոնակատար Նիկոլ Փաշինյանի նկատմամբ:
Ըստ «Պատիվ ունեմ»-ի դիմումի՝ հունիսի 19-ին՝ ԱԺ արտահերթ ընտրություններին նախորդած լռության օրը, Նիկոլ Փաշինյանի «ֆեյսբուքյան» ուղիղ եթերով ընտրական գործընթացի մասին խոսելը քարոզչության կարգի խախտում է։ Այսօր վարչական դատարանը բավարարել է ՔՊ-ի հայցն ընդդեմ ԿԸՀ-ի։ «Վարչական դատարանը բավարարել է մեր բողոքը եւ չեղարկել ԿԸՀ-ի՝ նախազգուշացման մասին որոշումը»,-Aravot.am-ին փոխանցեց «Քաղաքացիական պայմանագիր» կուսակցության մամուլի խոսնակ Վահագն Ալեքսանյանը։
Լուիզա ՍՈՒՔԻԱՍՅԱՆ
