Հայտնի են մաթեմատիկա առարկայի միասնական քննության արդյունքները՝ ըստ ԳԹԿ-ի նախնական վերլուծության: Ինչպես Aravot.am-ին հայտնեց Գնահատման եւ թեստավորման կենտրոնի մամուլի քարտուղար Խաչանուշ Գրիգորյանը, հայտագրվածների թիվը 5186 է, քննությանը մասնակցել է 5027 հոգի:
Մաթեմատիկայի միջին միավորը 10,47 է, ի տարբերություն 2020 թվականի 10,9-ի: Դրական միավորի շեմը չհաղթահարածների թիվը 1129 է, ինչը կազմում է մասնակիցների 22,5%-ը: Իսկ 2020թ մաթեմատիկայից «կտրվել» է 21,8 %-ը: Այս տարի 18-20 միավոր է ստացել մաթեմատիկա առարկայի քննության մասնակիցների 4,9 %-ը կամ 246 մասնակից, մասնավորապես 20 միավոր է ստացել 24 դիմորդ, 19-19,75 միավոր` 114 դիմորդ: 2020-ին 18-20 միավորներ ստացածները կազմել են 5,7%:
Գոհար ՀԱԿՈԲՅԱՆ
