Հունիսի 22-ին անցկացվել են Հայոց պատմություն եւ ֆիզիկա առարկաներից միասնական քննություններ` Հայաստանի Հանրապետության 23 քննական կենտրոններում, որից 8-ը՝ Երևանում, 15-ը՝ մարզերում։
Ինչպես Aravot.am-ի հետ զրույցում հայտնեց Գնահատման եւ թեստավորման կենտրոնի մամուլի պատասխանատու Խաչանուշ Գրիգորյանը, հունիսի 22-ին միասնական քննության է մասնակցել 2759 դիմորդ, որից ըստ առարկաների՝ Հայոց պատմություն՝ 1377, ֆիզիկա ՝ 1382:
Մարզերում հունիսի 22-ին միասնական քննություններին մասնակցել է 1771 դիմորդ, որից ըստ առարկաների՝ Հայոց պատմություն՝ 895, ֆիզիկա՝ 876: Երևանում հունիսի 22-ին միասնական քննությունների մասնակցել է 988 դիմորդ, որից Հայոց պատմություն՝ 482, ֆիզիկա ՝ 506 դիմորդ:
Խաչանուշ Գրիգորյանը հավելեց, որ Հայոց պատմություն եւ ֆիզիկա առարկաների քննությանը հատկացված է եղել 3-ական ժամ, քննության ավարտից հետո թեստերի ճիշտ պատասխանները տեղադրվել են atc.am կայքում, այնպես որ՝ դիմորդն իր պատասխանի ձեւաթղթով քննասենյակից դուրս գալուց հետո կարող է համեմատել եւ պատկերացում կազմել իր միավորի մասին:
Կարդացեք նաև
Քննության գնահատականները հայտնի կդառնան հունիսի 27-ին, իսկ հաջորդ օրը` հունիսի 28-ին մինչեւ 18:00-ն դիմորդները կարող են բողոքարկել դրանք` դիմում գրելով նույն քննական կենտրոնում, որտեղ հանձնել են տվյալ առարկայի քննությունը:
Հիշեցնենք, որ ԳԹԿ փոխտնօրեն Կարո Նասիբյանն ասել էր, որ առաջին անգամ ֆիզիկա հանձնողների թիվն ավելի շատ է, քան կենսաբանություն առարկայինը:
Գոհար ՀԱԿՈԲՅԱՆ
