ԳՇ պետ Արտակ Դավթյանն այսօր լրագրողների հետ ճեպազրույցում հաստատեց Գեղարքունիքի մարզպետի խոսքերը, որ սահմանին պետք է տեղակայվեն ռուս խաղաղապահները եւ զորքերը պետք է հետ քաշվեն այնպես, ինչպես ասել էր Նիկոլ Փաշինյանը:
Արտակ Դավթյանը նշեց, որ վերջնական որոշում չկա, բանակցություններ են ընթանում. «Մենակ մեր կողմի ցանկությունով չի, մասնակցում են նաեւ այլ կողմեր: Լինելու է այնպես, ինչպես նշեցիք, բայց վերջնական ե՛ւ ժամկետի առումով, ե՛ւ կատարման տեխնիկական հարցերով կասվի»:
Հարցին՝ ադրբեջանական կողմն արդեն համաձայնությունը տվե՞լ է, որ հստակ ասում եք՝ լինելու է՝ Արտակ Դավթյանը պատասխանեց. «Մենք մեր տարածքում Ադրբեջանի հարցնելու ոչինչ չունենք, բայց բանակցություններն ընթանում են կողմի հետ, որովհետեւ կան հարցեր: Մեր նպատակն է առանց բախումների ադրբեջանական ստորաբաժանումների հետ քաշումը սահմանին ու ամբողջությամբ մեր տարածքում պետք է իրականացնենք միջոցառումներ: Անհրաժեշտության դեպքում մենք համագործակցում ենք ռուսական կողմի հետ»:
Դավթյանն ասաց, որ խոսքը միայն ռուս սահմանապահների մասին է, այլ երկրի խաղաղապահների տեղակայման հարց չի քննարկվել:
Կարդացեք նաև
Հռիփսիմե ՋԵԲԵՋՅԱՆ
