Հայաստանը պետք է փոխի Սահմանադրությունը և կրկին դառնա նախագահական հանրապետություն: Նման կարծիք է հայտնել Հայաստանի նախագահ Արմեն Սարգսյանը:
Սարգսյանը նշել է, որ այսօր պետությունը չի կարելի անվանել ո՛չ նախագահական, ոչ խորհրդարանական հանրապետություն, երբ ղեկավարում է վարչապետը: Նրա խոսքով՝ «մարդիկ ունեն մեծ իշխանություն, բայց չկա պատասխանատվություն:
«Հայաստանը պետք է վերադառնա նախագահական կառավարմանը և սկսի իրականացնել բարեփոխումներ, որոնք ուղղված կլինեն ապագային՝ երկիր բերելով արհեստական ինտելեկտի վրա հիմնված նոր տեխնոլոգիաներ, դռներ բացելով հայկական հսկայական սփյուռքի համար, որպեսզի երկիրը դառնա առավել կանխատեսելի և ապագային միտված»,- ասել է նա Կատարի տնտեսական ֆորումում իր ելույթում:
Սարգսյանը նշել է, որ երկիրն ունի զարգացման մեծ պոտենցիալ, առաջին հերթին ՏՏ տեխնոլոգիաների ոլորտում, բայց, նախևառաջ, պետք է փոխել Սահմանադրությունը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
