Հայաստանում ընտրությունները նոր են կայացել, անհրաժեշտ է սպասել կառավարության ձևավորմանը՝ հասկանալու համար, թե ինչպես կարող են այդ գործընթացներն ազդել Լեռնային Ղարաբաղում իրավիճակի վրա: Այս մասին հայտարարել է Ռուսաստանի արտգործնախարար Սերգեյ Լավրովը:
«Ընտրությունները նոր են տեղի ունեցել, առայժմ անհասկանալի է, թե այդ արդյունքներն ինչպես կանդրադառնան նոր պայմաններում քաղաքական կյանքի ձևավորման վրա: Եկեք սպասենք, մինչև այնտեղ լինի նոր կառավարությունը»,- ասել է Լավրովը՝ ի պատասխան հարցի, թե ինչպես կարող են ազդել ընտրությունները տարածաշրջանում և Լեռնային Ղարաբաղում իրավիճակի վրա:
Լավրովի խոսքով՝ Մոսկվան ելնում է նրանից, որ Ռուսաստան-Ադրբեջան-Հայաստան եռակողմ համաձայնագրերը, որը վերջ տվեց պատերազմին և տվեց տնտեսական գործակցության մեկնարկը, աշխատում են:
Պատրաստեց՝ Վիկտորյա ԱՆԴՐԵԱՍՅԱՆԸ
