Վարչական դատարանը՝ Մհեր Պետրոսյանի նախագահությամբ քննում է ՍԴ նախկին նախագահ Հրայր Թովմասյանի նախկին խորհրդական, իրավաբան Գրիգոր Մուրադյանի՝ ՍԴ գործող նախագահ Արման Դիլանյանի դեմ հայցը։ Քանի որ նախորդ նիստին հայցվոր Գրիգոր Մուրադյանը հայցի քննությանն անձամբ չէր մասնակցում, հաջորդ դատական նիստը նշանակվել էր հունիսի 21-ին։
Ինչպես Aravot.am-ին փոխանցեց Գրիգոր Մուրադյանի շահերը դատարանում ներկայացնող փաստաբան Տիգրան Ղազարյանը, նիստը չի կայացել, քանի որ դատավորը արձակուրդում է գտնվում: «Մենք մի փոքր սպասեցինք, ապա կազմից ճշտեցինք, որ նիստը չի կայանալու եւ հետաձգվել է օգոստոսի 2-ին»,-ասաց փաստաբանը:
Գոհար ՀԱԿՈԲՅԱՆ
