Ժամը 21-ից սկսած ՀՀ տարբեր հատվածներից ահազանգեր ենք ստանում, որ հոսանքազրկումներ են եղել:
Ըստ տարբեր աղբյուրներից ստացված տեղեկությունների՝ այս պահին հոսանքազրկված են Վանաձորը, Գյումրին, Արթիկը, Ալավերդին, Ապարանը, Դիլիջանը, Մեծամորը եւ այլ բնակավայրեր:
«Հայաստանի էլեկտրական ցանցերի» տարածած պարզաբանման համաձայն՝ «Այսօրվա հոսանքազրկման պատճառը համակարգային վթարային անջատումն է Վրաստանից (համակարգը աշխատում է կղզիացման ռեժիմով), որի հետեւանքով ժամը 21:49 հոսանքազրկվել են Արմավիրի, Լոռու, Շիրակի, Արագածոտնի մարզերի որոշ բնակավայրեր։ Էլեկտրամատակարարումը վերականգնվել է 21:54»։
Մելանյա ԲԱՐՍԵՂՅԱՆ
