9/46 ընտրատեղամասը, որն ավանդաբար տեղակայված է լինում Ժուռնալիստների միության շենքում, այս անգամ տեղափոխվել էր հարեւանությամբ գտնվող շենքերի բակ: Այսօր այս ընտրատեղամասում քվեարկեց «Ազգային օրակարգ» կուսակցության խորհրդի նախագահ Արա Հակոբյանը:
Քվեարկության ընթացքում տեխնիկական որոշ խնդիրներ առաջացան պարոն Հակոբյանի նույնականացման քարտի հետ. սարքը քարտը չէր նույնականացնում, սակայն հանձնաժողովի նախագահն այդ խնդիրը լուծեց եւ Արա Հակոբյանն իր ընտրությունը կատարեց:
Aravot.am-ի այն դիտարկմանը, որ արդեն իսկ ահազանգեր կան ընտրակեղծիքների վերաբերյալ, Արա Հակոբյանը մեզ հետ զրույցում ասաց, որ տարբեր տեղերից լուրեր են ստացվում ընտրախախտումների վերաբերյալ, բայց դրանք վերահսկման, հստակեցման, ի մի բերելու կարիք ունեն: Ասաց, որ իրենց կուսակցությունն էլ 1-2 ահազանգ ստացել է եւ փորձում են հասկանալ՝ ինչքանով են դրանք համապատասխանում իրականությանը:
«Ըստ լուրերի, տպավորությունն այնպիսին է, որ ընտրախախտումներ կան եւ դրանք լայնածավալ բնույթ են կրում»:
Հետաքրքրվեցինք նաեւ՝ չի նկատել արդյո՞ք նրա բնակարանի վրա գրանցված այլ անձանց անուններ էլ: Պարոն Հակոբյանն ասաց, որ այո, կան նման ընտրախախտումներ էլ, բայց ուշադիր է եղել եւ նման բան չի արձանագրել:
Կարդացեք նաև
Լուսինե ԲՈՒԴԱՂՅԱՆ
