«Եղել են դեպքեր, որ քաղաքացու կողմից պահանջելուց հետո միայն տրամադրել են 6-րդ քվեաթերթիկը։ Քվեաթերթիկներն ընտրողին տալիս «մոռացել» են մեր դաշինքի քվեաթերթիկ տալ։ Շատ տեղամասերից նման տեղեկատվություն ենք ստանում»,-լրագրողների հետ ճեպազրույցում այսօր ասաց «Պատիվ ունեմ» դաշինքի ներկայացուցիչ Սոս Հակոբյանը։
Լուսանկարը՝ Ալավերդու 24/28 ընտրատեղամասից է
Նա նշեց, որ որոշ տեղամասերում դաշինքի քվեաթերթիկները նաեւ վնասված են եղել, եւ քաղաքացիներն են նոր քվեաթերթիկ պահանջել՝ հասկանալով, որ նման քվեաթերթիկը կարող է անվավեր ճանաչվել։
Սոս Հակոբյանի խոսքով՝ ահազանգել են ընտրական գործընթացի կազմակերպիչներին, սակայն իրենց քվեաթերթիկների խնդիրը մնում է չլուծված։
Կարդացեք նաև
Լուիզա ՍՈՒՔԻԱՍՅԱՆ
