Քիչ առաջ լուրեր շրջանառվեցին, որ Վանաձորի 23/26 ընտրատեղամասում մեծ են ցուցակների հետ կապված անճշտությունները:
Aravot.am-ը փորձեց ընտրատեղամասի նախագահ Հրաչ Մակարյանից տեղեկանալ, թե ի՞նչ անճշտությունների մասին է խոսքը: Բանն այն է, որ որոշ քաղաքացիներ չեն կարողացել իրենց անունը գտնել ընտրողների ցուցակում, նրանք ներառված են եղել լրացուցիչ ցուցակներում. «Դա մեր պրոբլեմը չի եղել, դա եղել է անձնագրային բաժնինը, որտեղ ավելացել են եւ այդ ավելացած ցուցակները մեր սարքավորումների մեջ չեն ներբեռնվել: Դրա համար խնդիր է առաջացել՝ ոչ թե մեր, այլ Բազում թաղամասի բոլոր տեղամասերում: Երեկ մինչեւ ժամը տասն ավարտել է, լրացուցիչ ցուցակներն ուղարկել են, մարդիկ տեղեկանքով գալիս են ընտրում, գնում»:
Կարդացեք նաև
23/26 ընտրատեղամասում ընտրելու իրավունք ունի 1610 քաղաքացի, իսկ լրացուցիչ ցուցակում ընդգրկված են 48 ընտրողներ:
Տաթեւիկ ՂԱԶԱՐՅԱՆ
