Ընտրակաշառք առաջարկելու կասկածանքով ձերբակալված Գևորգ Աթաբեկյանն ազատ է արձակվել․ փաստաբան

Փաստաբան Արթուր Մանուկյանի ֆեյսբուքյան գրառումը

18.06.2021թ. ՀՀ հատուկ քննչական ծառայությունը անօրինական կերպով ձերբակալել է Երևանի Քանաքեռ-Զեյթուն վարչական շրջանի բնակիչ, «Պատիվ ունեմ» կուսակցությունների դաշինքի համակիր Գևորգ Աթաբեկյանին՝ ընտրակաշառք առաջարկելու ինչ-որ անհասկանալի, անհիմն կասկածանքով:

19.06.2021թ. պաշտպանյալիս անհիմն կերպով մեղադրանք է առաջադրվել ՀՀ քրեական օրենսգրքի 154.2 հոդվածի 4-րդ մասի 1-ին, 2-րդ կետերով և կալանավորման միջնորդություն ներկայացվել դատարան։

Պաշտպանության կողմը քրեական վարույթի ողջ ընթացքում փաստարկված պնդում էր, որ Գ. Աթաբեկյանի ձերբակալումն իրավաչափ չէ, ինչպես նաև բացակայում են կալավորման հիմքերն ու պայմանները (առաջին հերթին` հիմնավոր կասկածը)։

Կարդացեք նաև

«Կարմիր գծե՞ր, պետական շահե՞ր․ այս իշխանության կենաց-մահու կռիվը միայն սեփական ժողովրդի դեմ է, եւ եղած ողջ ռեսուրսներն ուղղվում են այդ խնդրի կատարմանը»․ Տիգրան Աբրահամյան

• 17:06 22.10.2024

«Սահմանազատման կանոնակարգն ամբողջությամբ հակասահմանադրական է»․ ԱԺ ընդդիմությունը բոյկոտեց

• 11:49 22.10.2024

Ադրբեջանը կամ առավել ագրեսիվ թափ է հաղորդում քարոզչական պատերազմին, կամ փորձում է Հայաստանի հարձակման իմիտացիա ստեղծել և որևէ ուղղությամբ գործողության գնալ. Տիգրան Աբրահամյան

• 10:49 12.10.2024

Երևան քաղաքի ընդհանուր իրավասության դատարանը 20.06.2021 թ. մերժեց քննիչի կալանավորման միջնորդությունը, ինչպես նաև բավարարեց իմ բողոքը՝ ձերբակալման իրավաչափության դեմ, և պաշտպանյալս ազատ արձակվեց։

Շնորհակալություն Դատավոր Կ. Ֆարխոյանին արդար դատական ակտի համար։

Լուսանկարը՝ փաստաբան Արթուր Մանուկյանի