Կապանի թիվ 35/6 հանձնաժողովի անդամներից մեկը, ըստ ահազանգերի, ընտրողներից մի քանիսին չի տվել 3-րդ համարի քվեաթերթիկը։ Այդ տեղամասում ՔՊ-ի վստահված անձ Գոռ Լաչինյանի խոսքով, 4 ընտրողի հետ նման իրավիճակ է ստեղծվել։ «Հարց է՝ ինչո՞ւ հենց 3-րդ համարի հետ է նման բան կատարվում»,–ասաց Լաչինյանը։
ԲՀԿ–ի կողմից նշանակված 35/6 հանձնաժողովի նախագահ Կարինե Վարդանյանն էլ Aravot.am-ի հետ զրույցում պարզաբանեց՝ խախտում չի եղել, ուղղակի 2-րդ համարի քվեաթերթիկին կպել էր 3-րդ համարինը, ու այդպես ընտրողին թվացել էր, որ չեն տվել։
«Քվեաթերթիկների որակը լավը չի, բարակ են ու կպնում են իրար։ Իհարկե, մենք ընտրողին տվեցինք նոր քվեաթերթիկներ՝1-26 համարի, հետ վերցնելով նախորդ փաթեթը, բայց հետո պարզեցինք, իրար էին կպել քվեաթերթիկները»,–ասաց նա։ Այլ համարների քվեաթերթիկներ կպած եղել են իրար թե ոչ՝ Վարդանյանը հերքեց։ Հանձնաժողովի նախագահի խոսքով, նման երկու դեպք է եղել, արձանագրություն չի կազմվել։
Կարդացեք նաև
Վստահված անձ Գոռ Լաչինյանն էլ ասաց, որ ինքը բանավոր զգուշացրել է, չի պահանջել արձանագրեն մատյանում, բայց եթե կրկնվի, ապա ե՛ւ արձանագրելու է, ե՛ւ այլ դիմելու է պատկան մարմիններին։
Արմեն ԴԱՎԹՅԱՆ
