Ինչպես տեղեկացրել ենք, «Արդար Հայաստան» կուսակցության նախագահ, վարչապետի թեկնածու Նորայր Նորիկյանը քվեարկեց Մալաթիա-Սեբաստիա համայնքի 7/46 ընտրատեղամասում:
Քվեարկությունից հետո Aravot.am-ը Նորիկյանից հետաքրքրվեց՝ ձեր շտաբը մինչ այս պահը ի՞նչ ահազանգեր է ստացել՝ Նորիկյանը պատասխանեց. «Սյունիքի մարզից ստացել ենք ահազանգ, որ քվեաթերթիկների դասավորվածությունն են խախտում: Այս ընտրատեղամասում էլ ես նկատեցի, որ քվեաթերթիկներն այնպես են դասավորում, որ 26 քվեաթերթիկը դառնում է առաջին: Հասկանալի է այդ միտումը, թե ինչպիսի ենթատեքստ կամ ուղերձ կարող է դա իր մեջ պարունակի: Եթե դրա մեջ եղավ ուղղորդում ու ենթատեքստ, մենք կհամարենք, որ դա նախապես պլանավորած է ու ուղղորդում է ընտրազանգվածին: Չի կարող պատահել, որ 26 քվեաթերթիկը դառնա 1-ինը»:
Նորիկյանն ասաց, որ ահազանգեր կան նաեւ, որ ընտրազանգվածը պասիվ է. «Այդ պահի դրությամբ բազմաթիվ են եղել ահազանգերը, մտահոգությունները, որ ընտրակաշառքի, անօրինական ազդեցության, ՏԻՄ մարմինների կողմից հոգեբանական բռնության, ճնշումների, քաղաքական դաշինքներին ուղղորդված ձայն տալու դեպքերը: Ես առաջին անգամ եմ արձանագրում որեւէ երկրում, որ ընդդիմության անվան տակ հանդես եկող քաղաքական ուժից ակնկալիք կա ընտրակաշառք ստանալու»:
Կարդացեք նաև
Հռիփսիմե ՋԵԲԵՋՅԱՆ
