Ամերիկայի հայկական համագումարը (Համագումար) երկար տարիներ քարոզել է Հայաստանի ժողովրդավարական առաջընթացի համար և ողջունում է այն: Մենք ողջունում ենք հայ ժողովրդին քաղաքացիական ներգրավվածության և ընտրություններին շարունակական մասնակցության համար, որտեղ նրանց մասնակցությունը կանոնավոր կերպով բարձր ցուցանիշ է գրանցել:
2018-ին Միացյալ Նահանգները շնորհավորեց Հայաստանի ժողովրդին դեկտեմբերի 9-ի խորհրդարանական ընտրությունների անցկացման կապակցությամբ: Ընտրությունների միջազգային դիտորդական առաքելությունը, այդ թվում՝ ԵԱՀԿ Ժողովրդավարական հաստատությունների և մարդու իրավունքների գրասենյակը (ODIHR), ԵԱՀԿ Խորհրդարանական վեհաժողովը (OSCE PA), Եվրոպայի խորհրդի խորհրդարանական վեհաժողովը (PACE) և Եվրոպական խորհրդարանը (EP) համարեցին, որ «[2018թ.-ի] դեկտեմբերի 9-ին կայացած արտահերթ խորհրդարանական ընտրություններն անցկացվեցին հիմնարար ազատությունների նկատմամբ հարգանքով և վայելում էին հասարակության լայն շրջանի վստահություն, որը պետք է պահպանել հետագա ընտրական բարեփոխումների միջոցով»:
Կիրակի օրվա ընտրությունների համար դիտորդների բազմաթիվ խմբեր են ներկա ԵԱՀԿ-ից, Եվրոպայից, Եվրասիական միությունից և Միացյալ Նահանգներից: Մենք կրկին սպասում ենք նրանց գնահատականներին:
Համագումարը հետևում է ընթացող եռանդուն քարոզարշավներին, ազատ խոսքի վառ արտահայտմանը և այն բազմազան ձայներին, որոնք առաջ են քաշում իրենց տեսակետները հայ ժողովրդի անվտանգության և ապագայի շուրջ կարևոր հարցերի վերաբերյալ՝ անցյալ աշնանը Ադրբեջանի կողմից սանձազերծած կործանարար պատերազմից հետո, որին լիովին աջակցում էր Թուրքիան: Համագումարը համաձայն է Արցախի Ազգային ժողովի կողմից վերջերս տարածված հայտարարության հետ, ըստ որի՝ «Էրդողանի անկոչ այցը դեպի Արցախի գրավյալ տարածքներ, մասնավորապես՝ Շուշի, սպառնալիք և ուժ ցուցադրելու նոր փորձ (է): Սա Բաքվում [ռազմական] «ավարի պուրակի» բացման շարունակությունն է, ինչը ենթադրում է հետպատերազմյան շրջանում հայ ժողովրդի նկատմամբ նոր բարոյահոգեբանական ճնշումների քաղաքականության որդեգրում»:
Կարդացեք նաև
Ժողովրդավարության վերաբերյալ Հայաստանի արձանագրությունը կտրուկ հակադրվում է Թուրքիայում և Ադրբեջանում Էրդողանի և Ալիևի վարչակարգերի արձանագրություններին: Հայաստանում հերթական հաջող ընտրությունները ԱՄՆ-ին հիանալի հնարավորություն կընձեռեն հատուցելու ժողովրդավարությունը, ինչպես նաև պաշտպանել դիրքորոշում հետագա էթնիկական զտումների և Հայաստանի անկախության նկատմամբ ոտնձգությունների դեմ: 1915թ.-ին և Առաջին աշխարհամարտից հետո, Հայոց ցեղասպանությանը հաջորդած ժամանակաշրջանում հայերը մնացին միայնակ բախվելու նման սպառնալիքների, որոնք հանգեցրին խորհրդայնացմանը և Ցեղասպանության շարունակությանը: Մենք նվիրումով ակնկալում ենք տեսնել, որ պատմությունը չի կրկնվում:
Համագումարն ուժգին աջակցում է օրենքի գերակայությանը և լավ կառավարմանը՝ թե՛ Հայաստանում, թե՛ Արցախում: Ժողովրդի կամքը հարգելը և ամուր ժողովրդավարական ինստիտուտներ կառուցելը՝ ցանկացած ժողովրդավարության հիմնաքարերն են: Համագումարը հավատացած է, որ Հայաստանի երիտասարդ ժողովրդավարությունը, ինչպես Արցախինը, արժանի է աջակցության: Հունիսի 20-ի Հայաստանի խորհրդարանական ընտրությունների արդյունքները պետք է երկրի համար ծառայեն որպես առիթ՝ միավորվել և բոլորին միավորող ապագայի ուղի գծել:
Բոլորս հասկանում ենք, որ այս ընտրությունները տեղի են ունենում ծայրահեղ կորուստների, ցավի ու շարունակական ագրեսիայի համատեքստում: Ժողովրդավարական ընտրություններն ու այս էքզիստենցիալ մարտահրավերներին դիմակայելու համար միավորվելը այժմ առավել կարևոր են: Մենք շարունակում ենք հպարտանալ նրանցով, ովքեր այդքան ոգի և դիմացկունություն են ցուցաբերում:
ԱՄԵՐԻԿԱՅԻ ՀԱՅԿԱԿԱՆ ՀԱՄԱԳՈՒՄԱՐ
