«Տաշիր» ընկերությունների խմբի ղեկավար Սամվել Կարապետյանն անհեթեթ է համարել իր նկատմամբ Ադրբեջանում հարուցված քրեական գործը:
«Տաշիր» ընկերությունների խմբի նախագահ Սամվել Կարապետյանի նկատմամբ Ադրբեջանի առաջ քաշած բոլոր մեղադրանքներն անհեթեթ են և որևէ հիմք չունեն»,- ասվում է ընկերության տարածած հաղորդագրության մեջ:
Ըստ հաղորդագրության՝ «վրդովվեցուցիչ է և անընդունելի» է, երբ Ադրբեջանի պաշտոնական կառույցները շարունակում են առաջ քաշել ակնհայտորեն կեղծ մեղադրանքներ Ռուսաստանի Դաշնության քաղաքացի հանդիսացող անձանց նկատմամբ:
«Ինձ զարմացնում է՝ ինչ համառությամբ են Ադրբեջանի իշխանությունները շարունակում կենտրոնանալ իրենց երևակայությունների վրա: Ավելի լավ կլիներ՝ իրենց էներգիան ուղղեին իրենց իսկ կողմից ավերված տարածաշրջանի վերականգնմանը»,- Սամվել Կարապետյանի խոսքերն է մեջբերում մամուլի ծառայությունը:
Կարդացեք նաև
Ընկերությունում նշել են, որ տարիներ շարունակ Կարապետյանը Հայաստանում և Լեռնային Ղարաբաղում նախաձեռնել և իրականացրել է բացառապես միայն սոցիալական և մարդասիրական նախագծեր. կառուցվել են դպրոցներ, հիվանդանոցներ, մանկապարտեզներ, եկեղեցիներ: «Այդ օբյեկտներից որոշներն ավերվել են ադրբեջանական բանակի կողմից: Ընդ որում, զոհվել են խաղաղ բնակիչներ»,-ասվում հաղորդագրության մեջ:
Պատրաստեց Վիկտորյա ԱՆԴՐԵԱՍՅԱՆԸ
