«Երեկ Նիկոլ Փաշինյանը հերթական ստի մասին էր խոսում։ Ասում էր, թե ինքն իբր թե այսօր տեսնում է արցախյան հարցի հայանպաստ կարգավորման տարբերակ։ Պատկերացնո՞ւմ եք․․․հայտարարում եմ մրցույթ՝ այս եզրույթը քաղաքակիրթ հայերենով բնութագրող բառի համար»,-լրագրողների հետ ճեպազրույցում այսօր հայտարարեց «Պատիվ ունեմ» դաշինքի ներկայացուցիչ, ՀՀԿ փոխնախագահ Արմեն Աշոտյանը՝ անդրադառնալով քաղաքական առաջնորդների երեկվա հեռուստաբանավեճին։
«Հիշեք, որ նա պատերազմից հետո էլ ԱԺ-ում հայտարարեց, թե լուծումը պետք է ձեռնտու լինի երեք ժողովուրդներին։ Հիշեք դա։ Այդքան երեխայի գլուխ ուտելուց հետո նա վեր կացավ ու նման բան ասաց»,-նշեց Արմեն Աշոտյանը։
Ըստ նրա՝ Նիկոլ Փաշինյանը ռազմագերիների հետ կապված նույնպես ստեր է ասել․ «Պնդում է, թե Ալիեւի կողմից այդ 15 գերիների վերադարձը կառուցողական քայլ է։ Հիշեք, որ մեր տղաներին որպես ահաբեկիչներ են դատում Ադրբեջանում։ Նորմալ մարդու ուղեղն այս տեսակ լկտիությանը չի կարողանում դիմանալ»։
Ըստ Արմեն Աշոտյանի՝ Նիկոլ Փաշինյանը բանավեճի ժամանակ թիրախավորեց այն, ինչը չունի՝ կրթությունը, տղամարդկությունը, բարոյականությունը։
Կարդացեք նաև
Լուիզա ՍՈՒՔԻԱՍՅԱՆ
