Թուրքիայի նախագահ Ռեջեբ Թայիփ Էրդողանը հայտարարել է, որ Մոսկվան հազիվ թե ձգձգի Զանգեզուրի միջանցքի հարցը, ավելին` տարածաշրջանում «Վեցակողմ հարթակի» ձևավորման համար տվել է իր համաձայնությունը:
«Մոսկվան նույնպես պաշտպանում է այդ գաղափարը, որը ծանրակշիռ ներդրում կլինի տարածաշրջանի զարգացման համար: Այդ միջանցքը կծառայի ինչպես Հայաստանի, այնպես էլ Ադրբեջանի շահերին: Շուտով մենք երկկողմ հանդիպում կունենանք Պուտինի հետ»,- ասել է Էրդողանը:
Ինչ վերաբերում է Կովկասում «Վեցակողմ հարթակին», Էրդողանն ասել է, որ Թբիլիսին ու Երևանը դեռ դրական ազդակ չեն ուղարկել այդ հարցում, իսկ Ռուսաստանը կողմ է նման հարթակի ստեղծմանը:
«Եթե Հայաստանն ու Վրաստանը միանան նախաձեռնությանը, ապա տարածաշրջանում շատ արագ կայունություն կլինի: Թուրքիա կատարած այցի ժամանակ ես Վրաստանի վարչապետին պարզաբանել եմ այդ հարցը»,- ասել է Էրդողանը:
Կարդացեք նաև
Նա նաև նշել է, որ Հայաստանը պետք է քայլեր ձեռնարկի տարածաշրջանում վստահության բարձրացման համար, և այդ ուղղությամբ առաջին քայլը կարող է լինել Ադրբեջանին ականապատ տարածքների քարտեզները փոխանցելը:
Պատրաստեց Վիկտորյա ԱՆԴՐԵԱՍՅԱՆԸ
