Ռուսաստանի նախագահ Վլադիմիր Պուտինը և ԱՄՆ նախագահ Ջո Բայդենը Ժնևում ավելի քան 4 ժամ տևած բանակցություններից հետո հանդես են եկել համատեղ հայտարարությամբ:
«Ռուսաստանը և ԱՄՆ-ը ցույց տվեցին, որ անգամ լարվածության շրջանում իրենք ունակ են հասնել առաջընթացի՝ ռազմավարական ոլորտում կանխատեսելիության ապահովման, զինված հակամարտությունների ռիսկերի և միջուկային պատերազմի սպառնալիքի նվազեցման վերաբերյալ համատեղ նպատակների իրականացման գործում»,- ասվում է հայտարարության մեջ:
Նախագահները վերահաստատել են այն սկզբունքը, որի համաձայն միջուկային պատերազմում չի կարող լինել հաղթող, և նման բան չպետք է լինի:
«Այդ նպատակների իրականացման համար Ռուսաստանն ու ԱՄՆ-ը առաջիկայում կմեկնարկեն համալիր երկկողմ երկխոսություն ռազմավարական կայունության վերաբերյալ, որը կլինի առարկայական և եռանդուն: Այդպիսի երկխոսության միջոցով մենք ձգտում ենք հիմք դնել ապագայում սպառազինությունների և ռիսկերի նվազեցման վերահսկողության համար»,- ասվում է հայտարարության մեջ:
Կարդացեք նաև
Պատրասեց՝ Վիկտորյա ԱՆԴՐԵԱՍՅԱՆԸ
