«Մանուկներից սկսած, դպրոցականների համար՝ տաք կերակուր անվճար, որ բոլոր երեխաների ստամոքսը կոշտ լինի, լիքը լինի, որ կարողանան լավ մտածեն, որ իրենց դասերը սովորեն: Ուսանողների համար հատուկ ծրագիր, որ կարողանան իրեն մեծ մոտիվացիոննի աշխատանք կատարեն բիզնեսմենների հետ, գործարարների հետ, ձգտենք մեր հարուստ մտքով երեխաների միտքը զարգացնենք, որ տանենք առաջ, որ կարողանանք երեխաների նպատակներին հույս-հավատ տանք»,- այսօր Տավուշի մարզի Դիլիջան եւ Իջեւան համայնքներում, Հայաստանի դեմոկրատական կուսակցության նախընտրական ծրագիրը ներկայացրեց կուսակցության վարչապետի թեկնածու Տիգրան Արզաքանցյանը:
Տիգրան Արզաքանցյանն ասաց, որ ՀԴԿ-ն «մեծ գաղափարներով» մտածում է ժողովրդի մասին, որոնց կարելի է ծանոթանալ նախընտրական ծրագրում, այն հրապարակված է:
Կարդացեք նաև
«Շատ կարեւոր ժամանակահատված ենք ապրում, խնդրում եմ, բոլորով արթնացեք, քարոզարշավներին ուշադրություն մի դարձրեք, մարդիկ իրար հալածում են, անպատվում են, արեք թեքվենք ուրիշ դաշտ, թող իրենք ինչ ուզում են՝ անեն: Անձի շահը չի կարելի մտցնել քաղաքականության մեջ, էդ ձեւ չենք կարա երկիր մենք զարգացնենք: Այնպիսի օրինակներ մեր տան մեջ ցույց տանք, որ մեր համաշխարհային հզոր սփյուռքը թասիբ ունենա, հայրենասիրություն ունենա, ավելի ձգտում ունենա, որ վերադառնա մեր լավ հայրենիք, գա՝ իրար հետ կառուցենք հզոր հայրենիք: Որ սփյուռքը վերադառնա, մենք կունենանք շատ արհեստավարժ հայրենակիցներ, մեր ժողովուրդը կարող են մտնել մեր կառավարության տարբեր ոլորտներ՝ իրանց արհեստավարժությունը ցույց տան»,- ասաց Տիգրան Արզաքանցյանը՝ հավելելով, որ իր բանակցելու ունակության արդյունքում շատ ներդրողներ են եկել Հայաստան եւ տարբեր ոլորտներում պայմանագրեր կնքել: Դրանցից է՝ Վիվասել ընկերությունը. «2006 թվականին Հայաստանը ստացավ 548 միլիոն դոլար ներդրում, մեր փայատերը մտավ, էդ փայատերը իմ հարազատ ընկերն է, ես եմ իրեն հրավիրել, իմ խաթեր է եկել»:
Այլ մանրամասները՝ տեսանյութում
Նելլի ԳՐԻԳՈՐՅԱՆ
