Ադրբեջանական վերահսկողության տակ անցած արցախյան Շուշի քաղաքում այսօր Ադրբեջանի նախագահ Իլհամ Ալիեւը ավելի քան մեկ ժամ բանակցություններ է վարել Թուրքիայի նախագահ Ռեջեբ Թայիփ Էրդողանի հետ: Բանակցությունների արդյունքում ստորագրվել է Շուշիի հռչակագիրը, որում դրույթ կա թուրք-ադրբեջանական ռազմական գործակցության մասին: Այս մասին տեղեկանում ենք Turan.az-ից:
Իր ելույթում Ալիեւն այս օրն անվանել է պատմական: «Այսօր ստորագրված պայմանագիրը մեր հարաբերությունները բարձրացնում է նոր մակարդակի վրա»,- ասել է նա:
Նա նշել է, որ ստորագրված փաստաթղթում հղում է կատարվում Կարսի պայմանագրին, և փաստաթուղթը որոշում է ապագայում Ադրբեջանի քաղաքականությունը: «Դրանում արտացոլված են երկկողմ հարաբերությունների բոլոր ասպեկտները և հատկապես պաշտպանական արդյունաբերության ոլորտին և փոխադարձ ռազմական օգնությանն առնչվող ասպեկտներ»,- ասել է Ալիեւը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
