Սյունիքի մարզի Սիսիան համայնքում նախընտրական քարոզարշավի ժամանակ վարչապետի պաշտոնակատար Նիկոլ Փաշինյանը նորից խոսեց պողպատե մանդատով ժանգոտած մեխերը հանելու, քաղաքապետարաններում ծվարած «դուրսպրծուկներին» դուրս շպրտելու մասին. «Սյունիքը նրանց համար հայրենիք չէ, այլ՝ մաքսային տերմինալ՝ դեպի իրենց օֆշորային հաշիվները համալրող աղբյուր, ատկատներ անելու ու ժողովրդի հաշվին իրենց հաշիվները լցնելու միջոց: Այս մանդատով ջարդելու ենք նրանց բոլոր հաշիվները, ջարդելու ենք նրանց բոլոր ՍՊԸ-ները ու այս հանցագործ դուրսպրծուկներին հատ-հատ ծակերն ենք կոխելու ձեր անունից»:
Փաշինյանի խոսքով՝ «ժողովրդից մկան նման գողացողները» փորձում են Սյունիքը հակադրել Հայաստանին, իբր Սյունիքը եւ մնացած Հայաստանը տարբեր բաներ են. «Դա նրանք անում են՝ բաժանիր, որ տիրես հայտնի կարգախոսի ներքո, իրենց մի քանի կոպեկի համար: Մենք ասում ենք՝ ոչ, Հայաստանը մեկ է, միասնական է ու միասնականությամբ է հզոր: Սյունիքը Հայաստան է այնքան, որքան Երեւանը, Գյումրին, Լոռին, Տավուշը եւ մենք կկտրենք ու կկոտրենք Սյունիքը մնացած Հայաստանին հակադրելու փորձ անող ամեն մի ձեռք»:
Կարդացեք նաև
Հռիփսիմե ՋԵԲԵՋՅԱՆ
հայերն ալ ջարդել ջարդել կը գոռան եւ վերջին հաշուով միայն իրենք կը ջարդուին։