«Հայաստան» դաշինքի անդամ, «Ազգային համաձայնություն» կուսակցության նախագահ Արամ Հարությունյանը այսօր լրագրողների հետ հանդիպման ժամանակ նախ ընթերցեց հունիսի 20-ի արտահերթ խորհրդարանական ընտրությունների առիթով Հայաստանի քաղաքացիներին ուղղված իրենց կուսակցության կոչի տեքստը, որից հետո վերլուծեց երկրում ստեղծված իրավիճակը:
Նրա կարծիքով Նիկոլ Փաշինյանը Հայաստանի թիվ մեկ սադրիչն է, որը սադրել է մարտի 1-ը, այս պատերազմը: «Բայց համոզված եմ, որ մեր ժողովուրդը այս ընտրություններում ավելի զգոն կլինի, որովհետեւ այստեղ խնդիրը քաղաքական կուսակցությանը կամ դաշինքներինը չէ, այստեղ փրկության խնդիր է:
«Հայաստան» դաշինքի առաջնորդը արտակարգ, ճգնաժամային իրավիճակներում հաջող կառավարելու փորձ ունի: Ընտրելով այս քաղաքական ուժին ու նրա ղեկավարին, քաղաքացին ընտրում է իր ընտանիքի փրկությունը: Համոզված եմ, որ անգամ Նիկոլ Փաշինյանն էլ, որ ասում է՝ ապագա կա, նրա ընտանիքի ապագան էլ կլինի նորմալ, եթե Ռոբերտ Քոչարյանը գա իշխանության»,- հայտարարեց Արամ Հարությունյանը:
Աշոտ ՀԱԿՈԲՅԱՆ
