«Հիտլեր-Յուրգենդ մոդելը Հայաստանի համար չէ»,- «Ընտրությունների վերահսկման կոմիտե»-ի հրավիրած մամուլի ասուլիսի ժամանակ հայտարարեց կոմիտեի անդամ Ռուբեն Մելիքյանը՝ խոսելով քարոզարշավի ընթացքում ՔՊ-ի կողմից երեխաների ներգրավման խնդրին:
Նա մանրամասնեց. «ՔՊ-ն համակարգային ձևով երեխաներին ներգրավում է իրենց քարոզչությանը: Միջազգային ստանդարտները հստակ են. երեխաներին կարող են ներգրավել հավաքների, քաղաքական գործընթացների մեջ բացառապես այն ժամանակ, երբ նրանց համար գիտակցելի է ներգրավման նպատակը»:
Ռուբեն Մելիքյանի փաստմամբ՝ երեխաները նաև պետք է իմանան, թե ով, ինչ պատճառներով է նրանց ներգրավել քաղաքական գործընթացներում:
Նա հայտնեց՝ խնդիրը բարձրաձայնում են պետական մարմինների, ՀԿ-ների, միջազգային կառույցների համար և կոչ անում զբաղվել այս հարցով:
Կարդացեք նաև
Խոսելով երեխաների՝ քարոզարշավում ներգրավման մասին՝ նա ասաց. «Բոլորս էլ գիտենք, որ ՔՊ-ի նկատմամբ հանրության մեջ կա լուրջ բացասական վերաբերմունք, երբեմն նաև այդ բացասական վերաբերմունքը դրսևորվում է հայհոյանքներով և ոչ շատ բարյացակամ վերաբերմունքով: Եթե պարզվի, որ երեխաներին ներգրավում են այն նպատակով, որ իրենց չհայհոյեն, այլ խնդիրներ չլինեն, մեղմ ասաց ընդունելի չի լինի: Հնարավոր է՝ երեխաների ներգրվման պատճառներից մեկն էլ դա է»:
Տաթև ՀԱՐՈՒԹՅՈՒՆՅԱՆ
