Քարոզարշավի շրջանակներում Ներքին Գետաշենում քաղաքացիների հետ հանդիպման ժամանակ ՔՊ վարչապետի թեկնածու Նիկոլ Փաշինյանը ասաց. «Գեղարքունիքի մարզը մեզ այսօր անասելի մեծ ուժ եւ էներգիա է տալիս: Եվ ես ուզում եմ ասել, որ այսօրվա քարոզարշավի առանցքային նպատակը նույնիսկ ինչ-որ բան ասելու եւ լսելու մեջ չէ: Այս քարոզարշավի ամենաառանցքային նպատակը ինձ համար հետեւյալն է. որ ես տեսնեմ ձեր աչքերը, ձեր հայացքը, դուք տեսնեք իմ աչքերը, իմ հայացքը: Եվ ես ձեր աչքերի, ձեր հայացքի մեջ տեսնում եմ մի անհաղթահարելի ուժ, մի հզոր էներգիա, մի մեծ հավատ ապագայի նկատմամբ: Եվ դուք, հույս ունեմ, մեր աչքերի մեջ տեսնում եք մեր սերը, նվիրվածությունը եւ ափսոսանքը այն ամենի համար, ինչ մենք պիտի անեինք, բայց չկարողացանք անել օբյեկտիվ եւ սուբյեկտիվ պատճառներով»:
Փաշինյանը հայտարարեց նաեւ, որ նոր հեղափոխական ալիք է ծավալվում, վերահաստատեց ոչ բռնի, բայց պողպատյա հեղափոխության մեկնարկը:
Աշոտ ՀԱԿՈԲՅԱՆ
