«Օդում կախված լուրերի համաձայն (աղբյուրս արժանահավատ է, բայց, այդուհանդերձ), Նիկոլ Փաշինյանն իր վարչական ռեսուրսներով ապահովվող էլեկտորատին հանձնարարել է ամսի 20-ին տանել մինչեւ օրվա առաջին կեսը։ Այսինքն, նիկոլականները՝ ժողովրդի մոլորյալ, վախեցած, իրեն սիրող հատվածը, գնալու են քվեարկության հիմնականում մինչեւ կեսօր»,-լրագրողների հետ հանդիպմանն այսօր հայտարարեց «Պատիվ ունեմ» դաշինքի ներկայացուցիչ, ՀՀԿ փոխնախագահ Արմեն Աշոտյանը։
Նրա խոսքով․ «Հետո ինչ-որ բան է հրահրվելու ընտրական տեղամասերում, որպեսզի խաթարվի մնացածի քվեարկությունը, որպեսզի սովորական մարդիկ չհասցնեն քվեարկեն։ Արդյունքները կամփոփվեն, ու կտեսնեն, որ իրենք շատ են ձայն հավաքել։ Մանավանդ, սրա հիմքում կա նաեւ տեխնիկական խնդիր։ Նրանց հույսն այն է, որ իրենք իրենց ընտրազանգվածին տանեն տեղամասեր, հետո «չեպեներ» սարքեն․ քվեարկության գործընթացը երկար է, եւ վերջում կհաշվեն ու կտեսնեն, որ իրենց ձայները շատ են»։
Լուիզա ՍՈՒՔԻԱՍՅԱՆ
