«Երեկ Լենա Նազարյանը կրկին հայտնի դարձավ․․․երեւի ողջ օրն ականջները կարմիր էր, որովհետեւ այնքան էին մարդիկ իրեն լսում ու նախշում»,-լրագրողների հետ հանդիպմանն այսօր անդրադառնալով «Քաղաքացիական պայմանագրի» պատգամավորի թեկնածու Լենա Նազարյանի երեկվա հայտարարությանը, որ հանրությունը եւ քաղաքական ուժերը եւս պետք է Ադրբեջանից պահանջեն մեր ռազմագերիներին՝ ասաց ՀՀԿ փոխնախագահ, «Պատիվ ունեմ» դաշինքի ներկայացուցիչ Արմեն Աշոտյանը։
Նա նշեց․ «Մի բան կարող եմ ասել։ Տիկին Նազարյանը վերջերս որդի է ունեցել։ Երազում եմ, որ ՀՀ-ում լինի այնպիսի իշխանություն, որ տիկին Նազարյանի որդին երբեք գերության մեջ չհայտնվի, եւ որ իշխանությունը երբեք իր որդու հասցեին նման անբարոյական հայտարարություններ չանի։ Չեմ ուզում, որ բումերանգը պտտվի, եւ նրա որդին կրի նրա քաղաքական մեղքերի ծանրությունը։ Ուզում եմ այնպիսի իշխանություն լինի 18 տարի անց, որ իմ որդին էլ խաղաղ ծառայի ու ունենա թասիբով, եւ ոչ երկրով մեկ ղժղժացող իշխանություն»։
Ինչ վերաբերում է Նիկոլ Փաշինյանի այն հայտարարությանը, թե քաղաքացիական վենդետաներ են լինելու, Արմեն Աշոտյանը շեշտեց՝ Նիկոլ Փաշինյանն արդեն իսկ մեկ պատերազմ բերել է մեր գլխին եւ հիմա ուզում է եղբայրասպան պատերազմ հրահրել․ «Չի հաջողվելու։ Հանրության համբերության բաժակը լցվել է եւ դա կերեւա հունիսի քսանի քվեարկության ժամանակ»։
Կարդացեք նաև
Լուիզա ՍՈՒՔԻԱՍՅԱՆ
