«Ազատագրում» շարժումը և շարժման համահիմնադիր Սամվել Հակոբյանը խնդրանքով ու պահանջով դիմում են Հայաստանի Հանրապետության քաղաքացիներին։
«Մեր շարժումն իր ստեղծման պահից պայքարել է Նիկոլ Փաշինյանի դավաճանական ռեժիմի դեմ։ Մայիսի 12-ին թուրքը ներխուժեց ՀՀ սուվերեն տարածք, Նիկոլ Փաշինյանը պնդում է, որ մենք ունենք խաղաղություն։ Այս խաղաղության պայմաններում մենք ունենք գերիներ, ունենք զոհեր, զավթված տարածք ունենք կոտրված արժանապատվություն։
Հունիսի 18-ին «Ազատագրում» շարժումը կատարեց իր առաջին այցը սահման։ Մեր ընկերների, մեր աջակիցների, մեր եղբայրների միջոցներով հավաքեցինք օգնություն, ջերմադիտակներ, հեռադիտակներ, գիշերային դիտարկման սարքեր և այլ զինվորներին անհրաժեշտ իրեր։ Այցի նպատակը ոչ միայն օգնությունն էր, այլև ուզում էինք մեր սեփական աչքերով տեսնել, թե ինչ պայմաններում է ապրում մեր զինվորը, ինչ պայմաններ է ՊՆ-ն ապահովել մեր եղբայրներին, որոնք պաշտպանում են մեր բոլորի անդորրը։ Այն, ինչ մենք տեսանք պարզապես խայտառակություն էր, մեր տղաները չունեն այն, ինչ անհրաժեշտ է, որպեսզի նրանք ի վիճակի լինեն պաշտպանելու մեր տարածքը»,- ասաց Սամվել Հակոբյանը։
Նա նշեց, որ կարևոր է, որ հունիսի 20-ին ցանկացած քաղաքացի մասնակցի ընտրություններին․ «Ցանկացած հայ, ով ձայն կտա Նիկոլ Փաշինյանին ռիսկի տակ է դնում մեր տղաներին, մեր ծնողներին, մեր պետությունն ու մեր արժանապատվությունը։ Մասնակցեք ընտրություններին և ոչ մի դեպքում ձեր ձայնը մի տվեք դավաճան թիմին»։
Կարդացեք նաև
«Ազատագրում» շարժում
