«Անկախ դիտորդ» դաշինքը ներկայացնում է 2021 թ․ Ազգային ժողովի արտահերթ ընտրությունների երկարաժամկետ դիտարկման միջանկյալ զեկույցը, որն ամփոփում է նախընտրական քարոզչության՝ օրենքով սահմանված ժամանակահատվածին նախորդող ժամանակահատվածի՝ 01.05.2021-06.06.2021, դիտարկման արդյունքները։
Ազգային ժողովի արտահերթ ընտրություններին ընդառաջ «Անկախ դիտորդ» հասարակական դաշինքն իր դիտորդական առաքելությունն սկսեց նախաքարոզարշավային շրջանի երկարաժամկետ դիտարկմամբ՝ 2021 թ․ մայիսի 1-ից մինչև հունիսի 6-ը ժամանակահատվածում։
Նախընտրական քարոզչությանը նախորդող ժամանակահատվածում դիտարկումն իրականացվել է 24 դիտորդի կողմից, որոնց հիմնական արձանագրումներն ու խախտումների որոշ դրսևորումներ ամփոփված են ներկայացվող զեկույցում։
«Անկախ դիտորդ» դաշինքի 2021 թ․ երկարաժամկետ դիտարկումն իրականացվում է 2 փուլով։
Կարդացեք նաև
2021թ․ մայիսի 1-ից մինչև նախընտրական քարոզչության օրենքով սահմանված ժամանակահատվածի մեկնարկի դիտարկում,
երկրորդ փուլը՝ նախընտրական քարոզչության օրենքով սահմանված ժամանակահատվածի՝ 2021թ․ հունիսի 7-ից 18-ի դիտարկում։
Առաջին փուլի դիտարկումն իրականացվում է Հանրապետության ողջ տարածքում՝ մարզերի և Երևան քաղաքի առանձին վարչական շրջանների մակարդակով և դիտարկման հիմնական խնդիրներն են․
Հավաքների դիտարկում, որը ներառում է ինչպես ընտրությունների հետ ուղղակի կապ ունեցող, այնպես էլ սոցիալական խնդիրների բարձրաձայնման կամ այլ քաղաքական օրակարգերով հավաքների, երթերի, բողոքի այլ ակցիաների դիտարկում, հնարավոր դերակատարների և նրանց գործունեության քարտեզագրում
Կուսակցությունների գրասենյակների դիտարկում, հանդիպումներ, հարցազրույցներ կուսակցությունների ներկայացուցիչների հետ
Պետական կառույցների և համայնքային նշանակության կառույցների, համայնքապետարանների, բնակավայրերի կամ վարչական շրջանների ղեկավարների գործողություների դիտարկում,
Բարեգործական գործունեության դիտարկում, որը կարող է առնչվել ընտրողների կաշառմանը,
Նախընտրական ժամանակահատվածում աշխատանքային իրավունքներին առնչվող խնդիրների դիտարկում,
Ընտրատարածքային հանձնաժողովների աշխատանքների դիտարկում,
Հարցազրույցներ քաղհասարակության տեղային կազմակերպությունների հետ և տեղեկատվական աղբյուրների համալրում,
Մարզային թերթերի, ռադիոների, հեռուստատեսությունների քաղաքական հաղորդաշարերի, հաղորդումների, հոդվածների արձանագրում՝ առկայության դեպքում։
Ամբողջական զեկույցը՝ այստեղ
Հելսինկյան Քաղաքացիական Ասամբլեայի Վանաձորի գրասենյակ
