Անդրադառնալով ՀՀ 3-րդ նախագահ Սերժ Սարգսյանի հանրայնացրած ձայնագրությանը՝ ԱԺ իմքայլական պատգամավոր Հովիկ Աղազարյանը այսօր կազմակերպված բանավեճում նախ հայտարարեց, որ ինքը մինչեւ 2018 թվականը չի ճանաչում որեւէ նախագահի՝ Լեւոն Տեր-Պետրոսյան, Ռոբերտ Քոչարյան, Սերժ Սարգսյան: «Ես նրանց ճանաչում եմ որպես երկրի ղեկավար, որովհետեւ չեմ գտել, որ իրենք էդ դիրքին հասել են օրենքով եւ սահմանադրությամբ նախատեսված կարգով:
Ինչ վերաբերում է մի հատվածում երկրի ղեկավար Սերժ Սարգսյանի ելույթին՝ ձայնագրությանը, վարչապետը նմանատիպ զրույցներ այնքանով, որքանով թույլատրել է տվյալ պահին բանակցային գործառույթներից դուրս չգալը, մեր հետ էլ է ունեցել: Նկատի ունեմ խմբակցությունը: Եթե դա ուրիշ տեղ չի եղել, այդ երեւույթը, որ մեր հետ գտնվողներից մեկը ձայնագրել է, շատ վիրավորական բառ չասելու համար, ասեմ, որ սողունի մակարդակի քայլ է»,-ասաց իմքայլականը:
Հարց-հիշեցմանը, թե ժամանակին, երբ Արթուր Վանեցյանը հրաժարական տվեց ԱԱԾ տնօրենի պաշտոնին եւ որոշակիորեն քաղաքական հայտարարություն արեց, այդ ժամանակ էլ նրա անվան հետ առնչվող ինչ-որ ձայնագրություն հրապարակայնացվեց: Հետեւաբար, այն ձայնագրությունը հրապարակողը նո՞ւյնպես սողունի մակարդակի քայլ է արել, Հովիկ Աղազարյանը պատասխանեց. «Ես այն մեկը չեմ համարում սողունություն, որովհետեւ դա պետական համակարգի աշխատողի կողմից կատարված քայլ էր, որը իր գնահատականը ունի: Դա էլ է անթույլատրելի, բայց սողունություն չի»:
Կարդացեք նաև
Աշոտ ՀԱԿՈԲՅԱՆ
