Նիկոլ Փաշինյանը մինչեւ հիմա էլ չի հասկացել Ղարաբաղի խնդրի կարգավորման հարցը։ Այս մասին այսօր հրավիրված մամուլի ասուլիսին ասաց ՀՀ 1-ին նախագահ Լեւոն Տեր-Պետրոսյանը։
Պատասխանելով հարցին՝ Նիկոլ Փաշինյանի հետ ինչ-որ ճանապարհ եք անցել, արդյոք նա Ղարաբաղի հարցի կարգավորման մասին ոչինչ չտեղեկացավ, Լեւոն Տեր-Պետրոսյանն ասաց՝ նա մինչեւ հիմա չի հասկացել։
1-ին նախագահն ասաց, որ 96-97 թվականին դեռ հասկացել է, որ Հայաստանի եւ Ադրբեջանի միջեւ ուժերի հարաբերակցությունը փոխվելու է, ՀՆԱ-ն է փոխվելու, նավթի հանգամանքը կար․ «Ես տեսնում էի՝ ինչ է կատարվում՝ Հայաստանից արտագաղթը պետք է շարունակվեր, նույնը Ադրբեջանից, բայց նրանց մոտ ութ միլիոնից էին հեռանում, մեզ մոտ ՝ երեք։ Էլեմենտար բան է։ Հենրիխ Մխիթարյանն այսօր էլ լավ է խաղում, բայց երկու տարուց լավ չի խաղալու»։
Լեւոն Տեր-Պետրոսյանն ասաց, որ 2018-ին փորձել է ամեն ինչ անել, որպեսզի Սերժ Սարգսյանը անպայման գնա լուծման։ «Այդ ժամանակ Ալիեւի դիմադրությունը վերջացել էր միջազգային համբերությունը վերջացել էր։ Սերժը պիտի 2018-ին ստորագրեր ու հետ քաշվեր»։
Կարդացեք նաև
Նելլի ԲԱԲԱՅԱՆ
